Væntandi - og vónandi - verður fult á áskoðaraplássunum til landsdystirnar móti Eysturríki og Skotlandi - Mynd: Bjarni Enghamar
Væntandi - og vónandi - verður fult á áskoðaraplássunum til landsdystirnar móti Eysturríki og Skotlandi - Mynd: Bjarni Enghamar
Væntandi - og vónandi - verður fult á áskoðaraplássunum til landsdystirnar móti Eysturríki og Skotlandi - Mynd: Bjarni Enghamar
FSF: A-landsliðið við monnum hevur tveir HM-undankappingardystir á skránni í hesum umfarinum. Leygardagin 9. oktober móti Eysturríki á Tórsvølli, og týsdagin 12. oktober koma skotar á vitjan.
Og tað er okkurt, ið bendir á, at tað verður fult kring vøllin til komandi dystir. Atgongumerkjasølan hevur gingið væl, og higartil eru 3.500 atgongumerki seld til landsdystin móti Eysturríki, og eini 3.700 til dystin móti Skotlandi.
Men fjeppararnir hjá gestunum verða eisini væl umboðaðir á Tórsvølli hesaferð. Úr Eysturríki frættist, at eini 300 áskoðarar koma við landsliðnum til Føroya, og úr Skotlandi eru boðini, at øll 550 atgongumerkini, ið skotar hava fingið, eru seld. Á Tórsvølli er pláss fyri beint omanfyri 5.000 áskoðarum.
Atgongumerki fáast til keyps í Nethandilinum á FSF.fo.
Um tú veitst okkurt, sum VP ikki veit - skriva so til vp@vp.fo
