Yrking í sambandi við 85 ára stovningardagin hjá ÍSF, sum er í dag 4. apríl.
Ítróttur er fimi fyri øll;
kvinnur og menn, yngri og eldri,
vælvera millum Føroya vøkru fjøll,
loysing frá dagsins meldri.
Ítróttur er felagsskapur og kapping;
breidd eins og úrval;
kann fyribyrgja strongd og happing,
samanhald og vinna eru upp á tal.
Ítróttur er einstaklingur og lið;
tilgongdin er ymisk,
einsæris ella í felag;
rætti pallur kann geva frið,
til úrslit,
sum kunnu forkela.
Ítróttur er likam og sál;
á vølli, í høll og á breyt,
har at røkka tey mál;
til fólk og land at fáa skreyt.
Ítróttur er mentan og fyribyrging;
samfelagnum til ágóða,
fyri eldsálunum lovsyng;
tey gera tjóðina fróða!
Ítróttur er skipað og sjálvboðið;
til tíðina einhvørja,
feløg og sambond halda í togið;
samskipað av Ítróttasambandi Føroya.
4. apríl 2024/hwj
Um tú veitst okkurt, sum VP ikki veit - skriva so til vp@vp.fo
