Navnframi sjónvarpsverturin Jeremy Clarkson er aftur í andglettinum, eftir at ein luttakari í kappingini "Who Wants To Be A Millionaire" ikki tordi at svara uppá, hvussu havið kring Føroyar eitur.
Luttakarin í heita stólinum var Cardiff tannlæknin Segun Olujide. Hann hevði longu vunnið 16.000 pund og kundi tvífalda vinningin, um hann bara kundi svara spurninginum um havið kring Føroyar rætt. Spælið er soleiðis, at til ber at fáa hjálp frá áskoðarum, vinfólki og eisini vertinum sjálvum.
Tað var tá tannlæknin valdi triðja møguleikan, at hann spældi sær av við møguleikan at tvífalda vinningin, men heldur valdi at melda pass og fara heim við sínum 16.000 pundum. Tí hjálpin sum Jeremy Clarkson kom við var óbrúkilig.
Fleiri halda enntá, at talan var um avtalað spæl, sum eitt nú miðlarnir BNN, Bristolpost og Virginradio skriva.
Um tú veitst okkurt, sum VP ikki veit - skriva so til vp@vp.fo
