Løgtingið hevur nú samtykt at fara undir verkætlanina at høvuðsumvæla og umbyggja skúlabygningarnar á Frælsinum í Tórshavn. Í fyrsta umfari verða tekjan og útveggirnir á lon 5 umvæld, umframt at eitt fyribils parkeringsøki verður gjørt á fløtuni á Frælsinum. Ein heildarætlan fyri umvæling og komandi nýtsluna av skúlabygninginum sum partur av Kampus verður nú fyrireikað.
Talan er um fyrsta stig í tí stóru kampusætlanini, ið leggur upp til at byggja umleið 3 bygningar á umleið 20.000 m2 tilsamans og at høvuðsumvæla umleið 8.500 m2, umframt parkeringskjallara.
Í komandi viku verður vinnandi uppskotið av arkitektakappingini til felagsbygning til Kampus avdúkað.
Djóni Nolsøe Joensen, landsstýrismaður í barna- og útbúgvingarmálum, fegnast um, at tað nú kann farast undir ta spennandi verkætlan at gera eitt kampus, sum verður grundarlagið undir góðum lestrarumhvørvi og gransking, ið fer at flyta Fróðskaparsetrið inn í framtíðina.
Um tú veitst okkurt, sum VP ikki veit - skriva so til vp@vp.fo
