Politiskt brýtur tað ikki bara á bæði borð, men í øllum borðum og á øllum stigum, landspolitiskt og kommunalpolitiskt.
Leiðandi ábyrgdarpersónar siga, at starvsfelagar í tinginum lúgva, og so hava vit orrustur millum flokkar, samgongur og einstaklingar.
So hart leikar á, at sakførarar mugu upp í leikin.
Men eisini har hava meiningsdannarar í almenna rúminum meiningar.
Valdi advokatruin varð eisini brúktur í CIP-málinum og kann tí ikki brúkast, um tað kom so langt.
Nú er stríð um, hvør leyg fyri hvørjum og nær, og um onkur varð boðin við á fund, ella varð hildin uttanfyri, við ella móti sínum vilja.
Verður eingin ekskluderaður?
Hvør kemur fyri Ingilín?
Verður eingin formaður skiftur út?
Og - fremst av øllum - verður ikki nýval?
Nú er henda tragiska farsan ov nógv av tí góða.
Nú mugu tit steðga.
Sum veljari orki eg ikki meira.
Nú er nóg mikið.
Hol er komið á fólkaræði og tað tolir ikki meira slit.
Royters
Hetta er eitt lesarabræv. Meiningar og sjónarmið í lesarabrævinum eigur tann ið skrivað hevur. VP leggur nógv í talu- og skrivifrælsi. Tí eru allar meiningar vælkomnar, bara tær eru innanfyri karmarnar á revsilógini og fjølmiðlaetisku leiðreglunum. VP loyvir í ávísan mun dulnevndum lesarabrøvum, tá veit redaktiónin hvør hevur skrivað.
Um tú veitst okkurt, sum VP ikki veit - skriva so til vp@vp.fo
