Krutl
Í morgin verður ættin beinur norðan, bert eitt gul, hitin um 4 stig og turt og møguliga eisini onkrir sólglottar.
Týsdagin trilkar hann sum frálíður vindin av suðri og landsynningi, regn ella ælaveður og sum frálíður lýggjari, upp í eini 8 stig.
Mikudagin frískur vindur av útsynningi, turt og møguliga sólglottar, hitin um 8 stig.
Hósdagin millum sunnan og útsynning, stívt andøvsgul, ælaveður og hitin upp í 9 stig.
Fríggjadagin upp í hvassan vind ella skrið av vestri, sólglottar men kanska eisini okkurt æli og hitin 7 stig.
Næsta vikuskiftið verður ættin mest millum vestan og útsynning, tað verður nógv regn og hitin um 8-9 stig.
Um tú veitst okkurt, sum VP ikki veit - skriva so til vp@vp.fo
