Áhugin fyri konsertini hjá Uriah Heep í Føroyum er so stórur, at nú slakar tríggjar vikur áðrenn konsertina eru øll atgongumerkini seld.
Konsertin við Uriah Heep verður í Dansifrøi í Havn leygarkvøldið 22. september.
Uriah Heep er bretskur rockbólkur, sum vann fram í sjeytiárunum, og sum framvegis ferðast víða kring heimin at spæla konsertir. Tónleikurin hjá Uriah Heep hevur verið væl umtóktur í Føroyum, og nú bólkurin fer at hava sína helst seinastu konsert í Føroyum, er stórur áhugi fyri at sleppa at uppliva teir.
Uriah Heep hevur spælt tríggjar ferðir í Føroyum áður. Teir høvdu tvær konsertir í Føroyum í 1988 og eina í 1990. Uriah Heep gevur stutt fyri konsertina í Føroyum út nýggja plátu.
Um tú veitst okkurt, sum VP ikki veit - skriva so til vp@vp.fo
