- Tað kom óvæntað á arbeiðsbólkin, at heili 30% av børnunum sita einsamøll heima, inntil foreldrini koma heim frá arbeiði. Fleiri foreldur nevna júst hetta sum orsøk til, at tey meta tilboð mangla í kommununi, har børnini kunnu fara, tá ið tey eru liðug í skúla.
Soleiðis sigur arbeiðsbólkurin í frágreiðingini, sum var latin kommununi í vikuni.
Tey sum fara til ítrótt ella annað frítíðarítriv eru færri, 24%, ímeðan tey sum eru saman við familju ella vinfólki er størsti bólkurin, 46%.
Kanningin vísir, at 79% av foreldrunum halda, at tað manglar eitt alternativ til verandi barna- og ungdómstilboð í kommununi.
Arbeiðsbólkurin mælir til, at kommunan setur á stovn eitt barna- og ungdómshús, eitt virkishús til aldursbólkin 3. til 10. flokk, sum er mannað við fakfólki, og at staðsetingin av hesum húsinum skal ikki vera á einum skúla. Eisini er tilmæli, at ein heilsugóð matarskipan verður sett í verk.
Um tú veitst okkurt, sum VP ikki veit - skriva so til vp@vp.fo
