![Sula](https://www.vp.fo/fileadmin/_processed_/4/2/csm_sula_3e7d5fdb9a.jpg)
![Sula deyd](https://www.vp.fo/fileadmin/_processed_/3/1/csm_sula_deyd_3b8ea6db73.jpg)
Ein maður sum gekk í fjøllunum í Vestmanna fann eina deyða súlu við vegjaðaran Norði á Fossunum.
![Sula](https://www.vp.fo/fileadmin/_processed_/4/2/csm_sula_3e7d5fdb9a.jpg)
![Sula deyd](https://www.vp.fo/fileadmin/_processed_/3/1/csm_sula_deyd_3b8ea6db73.jpg)
Ein maður sum gekk í fjøllunum í Vestmanna fann eina deyða súlu við vegjaðaran Norði á Fossunum.
- Vit hava ikki varnast, at súlan er nakað øðrvísi enn hon plagar.
Tað sigur Eddie Lauritsen í Mykinesi, tá VP fregnast.
Høvið er, at tey í Skúvoynni halda at óvanliga fáir skúgvar eru í oynni, og okkurt bendir á, at hann kanska er raktur av fuglakrími, eins og skúgvurin í Hetlandi. Har, í Hetlandi, er eisini nógv súla deyð av sjúkuni.
Onkur tekin hava verið, sum kundu bent á, at súlan í Føroyum kann vera rakt. Eitt nú sá ein maður sum gekk í fjøllunum í Norðstreymoy eina deyða súlu. Ein onnur lá deyð í Vestmannasundi. Vanliga verður sagt, at súla fer bert uppá land í Mykinesi, hóast hon kann vera at síggja á sjónum aðrastaðni eisini.
Men tey í Mykinesi halda ikki, at nakrar ábendingar eru um, at súlan er rakt av størri deyðiligheit enn vanligt.
- Súlan etur fisk og ikki annan fugl sum møguliga kann vera sjúkur, eins og skúgvurin ger, sigur Eddie Lauritsen. Hann heldur ikki, at nakað tekin er um, at súlan í Føroyum er sjúk av fuglakrími.
Um tú veitst okkurt, sum VP ikki veit - skriva so til vp@vp.fo