Meðan fleiri lond brúka sóttarhald og kanningar, halda suðurafrikanskir serfrøðingar at omikron smittar so illa at tað at kanna og isolera fólk sum ikki eru sjúk hevur null effekt.
– Tað er absalutt eingin orsøk at hava fólk sum eru asymptomatisk í sóttarhaldi. Og uppaftur minni grund at biðja fólk sum eru í sambandi við smittað fara í sóttarhald, sigur viðurkendi epidemiologurin og deildarstjórin Shabir Madhi á Witwatersrand-universitetinum í Johannesburg við VG.
Asymptomatiskir persónar eru testaðir positivir í koronakanning, men hava eingi sjúkueyðkenni.
Madhi, og fleiri aðrir suðurafrikanskir serfrøðingar, sum VG hevur tosað við, halda at sóttarhald og kanningar hava onga ávirkan tá ið nú omikron breiður seg sum skógareldur kortini - og vit samtíðis síggja at varianturin ikki leggur nakað trýst á sjúkrahúsini.
Um tú veitst okkurt, sum VP ikki veit - skriva so til vp@vp.fo
