Krutl
Nólsoyingar eru farnir undir at savna inn undirskriftir við kravinum um eina nýggja ferju til Nólsoyar-siglingina.
- Tað blívur meira og meira greitt, at strandferðslu-flotin er ov gamal og niðurslitin. Nýggjar ferjur mugu byggjast, um Strandferðslan skal vera før fyri at røkja sína skyldu, sum er at flyta fólk og fæ millum oyggjarnar.
Okkara tol er uppi og nú krevja vit nýggja ferju til Nólsoyarleiðina. Vit ganga í løtuni hús úr húsi í Nólsoy og samla undirskriftir, sum vit ætla at handa Jørgen Niclasen fríggjadagin 18. desember. Stuðlar tú okkara kravi, so gev okkum tína undirskrift.
Um tú veitst okkurt, sum VP ikki veit - skriva so til vp@vp.fo
