Tónleikur
Føroyski útisetin Simon von Konoy hevur júst givið út eina stakfløgu, ið hevur fingið heitið ”Mamas Lambada”.
Tveir sangir eru á plátuni - ”Mamas lambada” og ”Smukke, skønne Diana”. Upprunaliga var ætlanin, at ein annar kendur føroyskur útiseti skuldi syngja sangin um Dianu, men vegna ymsar trupulleikar kundi hettar ikki lata seg gera, og er tað sostatt Simon sjálvur, ið syngur hann.
Henda plátan er ein smakkiroynd til eina aðra fløgu, ið verður útgivin seinni í ár undir heitinum ”Smukke, skønne Diana”.
Á hesi skivu verða fimtan sangir, og er tað Simon, ið eigur bæði orð og lag til allan hópin.
Um tú veitst okkurt, sum VP ikki veit - skriva so til vp@vp.fo
