Tórshavn.fo: Hetta er nú vorðin føst siðvenja, at Reykjavíkar býráð sendir jólatræ úr Heiðmørkini uttanfyri Reykjavík til Havnar í november. Træið varð plantað í 1960 og siðvenja er, at borgarstjórin í Reykjavík undir lítlum hátíðarhaldi er við til at fella træið, sum Eimskip síðan flytir til Føroya. Samstundis verður træið til Austurvøll í Reykjavík felt.
Leygardagin seinnapartin tendraði jólatræið á tinghúsvøllinum. Anne Mette Greve Klemensen legði fyri. Síðan bar Tórdis Lóa Tórhallsdóttir, býráðslimur í Reykjavík, heilsu úr Íslandi, og aftaná helt Heðin Mortensen, borgarstjóri, røðu.
Hetta er níggjunda árið, at Havnin fær jólatræ sum gávu frá Reykjavíkar kommunu. Tað var í 2013, at Reykjavíkar býur á fyrsta sinni sendi eitt stórt jólatræ. Umboð fyri Reykjavíkar býráð hava verið til staðar á hvørjum ári, tá træið verður tendrað, undantikið í fjør, tá onki hátíðarhald var orsakað av koronastøðuni.
Um tú veitst okkurt, sum VP ikki veit - skriva so til vp@vp.fo
