Fleiri søgur úr Kina líkjast ódámliga nógv teimum søgunum sum vit hoyrdu stutt áðrenn Covid-19 bleiv nakað sum fylti gerandisdagin hjá øllum.
Eitt nú eru innleggingarnar av børnum sum hava fingið onkran ókendan virus, nógv vaksnar seinastu tíðina.
Við Jyllandspostin sigur Lasse Vestergaard, yvirlækni frá Statens Serum Institut, at tey halda eitt vakið eyga við hendingunum í Kina, og leingjast eftir skjótt at hoyra sissandi nýtt frá almennari síðu um, hvat tað er sum hendir.
- Tað snýr seg um bruna í andaleiðunum, og WHO hevur biðið Kina greitt frá, hvussu álvarslig støðan er, men fyribils hava kinesarar ikki svarað, sigur hann. Men hann leggur eisini afturat, at tað er ongin orsøk at stúra ella leypa framav.
- Tað kann eisini vera, at hetta eru avleiðingar av koronasmittuni, tí tá vardu øll seg eyka nógv, og tað kann mann siga, at vit so gjalda fyri nú.
Um tú veitst okkurt, sum VP ikki veit - skriva so til vp@vp.fo
