Drotningin kom í gjár við tyrluni til Svínoyar. Løgmaður og borgarastjórin tóku ímóti. Har vóru eisini nógv fólk í bygdini sum veittraðu til drotningina. Hon var koyrd í gjøgnum bygdina.
Fyrst fór hon til minnisvarðan "Dropi í lívsins havi" sum Edward Fuglø hevur sniðgivið. Edward Fuglø greiddi drotningini frá um dropan og talvuna har nøvnini stóðu á.
Aftaná kom Heri prestur og settist við drotningini yvir av minnisvarðanum. Hann greiddi frá um Svínoyar søgu og skaðadagar í Svínoy.
Aftaná fór hon inn í dansistovan har Edward Fuglø hevur listaframsýning.
Drotningin og fylgi hennara vóru boðin til borðs á Gamlagarði. Dekkað var til 47 fólk, trý av teimum vóru Svínoyingar og restin var frá Klaksvíkar kommunu.
Í Svíni undrast tey yvir, at eingin sum var í minnisvarðanevndini ella staðbundnu nevndini varð boðin við.
Áðrenn Drotningin og fylgi hennara fóru avstað fóru tey ein biltúr eystur á Fugloyarháls. Veðrið var av tí allar besta og vitjanin eydnaðist sera væl, frætta vit úr Svínoy.
Um tú veitst okkurt, sum VP ikki veit - skriva so til vp@vp.fo
