200 ára dagur til minnis um faðirin at móðurmálinum, málráð, móðurmálsfelag, netorðabøkur og tøknin hevur ongantíð verið so famkomin sum nú - kortini so lesa vit "babymál".
Tað er ikki gott nokk, tá ið tú í einum lítlum tíðindastubba á heimasíðuni hjá Kringvarpinum, finnur einar 5-10 feilir.
Og býttar feilir hartil.
Tað kemur undir fusk hjá fremsta og "mest týðandi mentanarberanum", sum onkur orðing sigur í lógarteksti viðvíkjandi Kringvarpinum.
Tíðindafólk, sum aftur og aftur hava víst, at tey hava ikki førleika at leggja greinar út á heimasíðuna hjá Kringvarpinum, eiga ikki at gera tað.
At loyva slíkum á heimasíðuni er vanærulig skomm.
ólavur
Hetta er ein oddagrein. VP hevur frælslynta sjónargrein, sum stundum kemur til sjóndar í oddagreinunum.
Um tú veitst okkurt, sum VP ikki veit - skriva so til vp@vp.fo
