Privata áhugafelagið Jarðir hevur fingið Fíggjarnevndina hjá Løgtinginum at lurta eftir eini áheitan um at flyta ein part av játtanini hjá Visit Faroe Islands til Jarðir.

Í uppskotinum til fíggjarlóg eru 500.000 krónur fluttar til Jarðir. Pengarnir eru tiknir av játtanini hjá Visit Faroe Islands.

- Fluttar verða 500 tús. kr. frá P/F Visit Faroe Islands til hesa játtan til Bóndafelagið og Óðalsfelagið til tess at styrkja feløgini í teirra politikmenning í mun til føroysku náttúruna í sambandi við útlendsk ferðafólk, skrivar meirilutin í Fíggjarnevndini í álitinum.

Ítøkiliga snýr tað seg um, at Jarðir vil hava eina skipan við fráboðanarskyldu setta í verk.

- Ein fráboðanarskylda tryggjar skipaði viðurskiftir og meta vit sjálvandi, at tað er Jarðir, sum skal umsita skipanina viðv. fráboðanaskyldu, siga Jarðir millum annað í skrivinum til Fíggjarnevndina, sum er dagfest 17. november.

Jarðir ætla, at heimasíðan heimabeiti.fo, sum Jarðir eigur, skal vera staðið har fólk, sum fara í hagan, skráseta seg og boða frá, áðrenn tey fara avstað.

Skrivið frá Jarðir til Fíggjarnevndina er at finna millum hini skjølini sum eru send nevndini.