BirkBloggur: Í morgun ger Tóroddur Poulsen vart við, at svenski týðarin Inge Knutsson er deyður, 67 ára gamal. Farin úr tíðini, sum sviar siga.
"Ein norðurlendskur meistari er farin", skrivar Kristianstadsbladet, sum hann í mangar mátar var partur av, eisini sum mentabloggari.
Mentablaðstjórin Sune Johannesson skrivar leygardagin: ”Hans engagemang stannade inte vid enskilda titlar, i mina ögon var han alltid en förnämlig ambassadör för att föra in litteraturen från till exempel Island och Färöarna till vårt land. Jag ser än idag ingen som språkligt kan konkurrera med honom. En mästare.”
Í september 2013 hitti eg Inge og sonin Esbjörn á bókamessu í Svøríki. Eins og pápin fæst sonurin eisini við bøkur. Teir hava báðir vitjað í Føroyum og Inge, sum var bókmentafrøðingur, hevur umsett nógv, eisini yrkingar, til svenskt, sum aftur eru fluttar í enskt mál, m.a. í útgávuni Modern Scandinavian Poetry 1900-1975.
Um tú veitst okkurt, sum VP ikki veit - skriva so til vp@vp.fo
