![Alan Walker 02](https://www.vp.fo/fileadmin/_processed_/4/8/csm_Alan_Walker_02_306c0e2ce0.jpg)
![Skaermbillede 2022 08 05 kl. 10.07.20](https://www.vp.fo/fileadmin/_processed_/a/5/csm_Skaermbillede_2022-08-05_kl._10.07.20_3055e35359.png)
![Alan Walker 02](https://www.vp.fo/fileadmin/_processed_/4/8/csm_Alan_Walker_02_306c0e2ce0.jpg)
![Skaermbillede 2022 08 05 kl. 10.07.20](https://www.vp.fo/fileadmin/_processed_/a/5/csm_Skaermbillede_2022-08-05_kl._10.07.20_3055e35359.png)
Summar Festivalurin fekk óføra byrjan hóskvøldið. Nógv fólk leitaði sær á festival hetta fyrsta kvøldið, og framførslan hjá Alan Walker legði nýtt støði fyri føroyskar festivalar. Eisini vóru aðrar frálíkar konsertir við føroyskum tónleikarum.
Í dag heldur Summar Festivalurin fram við poppi, rocki og rappi, og skráin er sera fjølbroytt. Høvuðsnavnið í kvøld er amerkanski rockbólkurin Steelheart, sum spælir á Vágsbø kl. 21:30. Eftir teir spæla Dynamit og seinni Swangah á stóra pallinum.
Í Tjaldinum verður frásøgukonsert við sangum hjá Jógvani Telling, og seinni spæla Lena Anderssen og Herborg Torkilsdóttir eisini í Tjaldinum.
Kular Røtur gera comeback við konsert á Torginum kl. 17.00, og har ber eisini til at uppliva Joe & The Shitboys, Eyðun Nolsøe og Marius DC í kvøld.
Fyrsta konsertin á Summar Festivalinum verður kl. 17, og tann seinasta verður klokkan 03 í nátt. Dagsbillettir fáast við dyrnar.
Um tú veitst okkurt, sum VP ikki veit - skriva so til vp@vp.fo