Ítróttur
Tað var eitt sindur tungt í byrjanini, men tá hol kom á í seinnu helvt av fyrra hálvleiki drógu Føroyar av álvara frá Kosovo, og tá dysturin var av stóð 32-21 til Føroyar á talvuni.
Harvið nærkast Føroyar EM undanspælinum í 2026.
Toppskjútti var Óli Mittún sum fekk 8 av málunum, Elias E. á Skipagøtu fekk 7 og Hákun W. av Teigum fekk 6 mál.
Dagsis maður var tó Pauli Jacobsen í málinum, sum tók 44% av skotunum frá mótstøðuliðnum.
Føroyar hitta Ukraina í Vilnius í Litava sunnudagin klokkan 13.
Um tú veitst okkurt, sum VP ikki veit - skriva so til vp@vp.fo
