![Frakland Marokko](https://www.vp.fo/fileadmin/_processed_/7/c/csm_Frakland_Marokko_66195cfe52.jpg)
![Frakland Marokko 2](https://www.vp.fo/fileadmin/_processed_/c/d/csm_Frakland_Marokko_2_2fae46267a.jpg)
![Frakland Marokko](https://www.vp.fo/fileadmin/_processed_/7/c/csm_Frakland_Marokko_66195cfe52.jpg)
![Frakland Marokko 2](https://www.vp.fo/fileadmin/_processed_/c/d/csm_Frakland_Marokko_2_2fae46267a.jpg)
Marokkanar hava klagað dómaran í hálvfinaludystinum móti Frakland til FIFA. Teir eru ónøgdir við dømingina og vísa á, at dómarin tók tvey ófrávíkilig brotsspørk frá teimum.
Norðurafrikanararnir taptu dystin í gjárkvøldið 0-2. Theo Hernándes legði fraklendingar fram um 1-0 í 5. minutti, og í 79. minutti sló Randal Kolo Muani franska sigurin fastan við málinum til 2-0.
Men áðrenn málið hjá Muani høvdu marokkanar ligið fram við í hinum endanum, og miðskeiðis í fyrra hálvleiki kom meksikanski dómarin Cesar Ramos í andglettin, tá hann gav Sofiane Boufal gult kort fyri eina takling á Theo Hernándes inni í brotsteiginum.
Endurtøkurnar vísa, at Ramos lættliga kundi havt dømt brotsspark til Marokko í hesi støðuni. Hetta hevur fingið øði í grindina hjá marokkanum, og teir hava tí klagað Cesar Ramos til FIFA, skrivar dr.dk.
Marokko spælir bronsufinalu móti Kroatia leygardagin klokkan 15.
Um tú veitst okkurt, sum VP ikki veit - skriva so til vp@vp.fo