Vaktleiðarin á brandstøðini í Havn sigur, at tað er ikki veður at fara út at koyra sum støðan er nú.
- Teir eru givnir at grava, tað er nógv jarðrok og vit vita um fleiri bilar sum standa fastir ymsastaðni í býnum, og sum vit noyðast at hjálpa. Vit vilja við hesum heita á fólk um ikki at fara út at koyra í kvøld, sigur vaktleiðarin á branstøðini í Havn.
Samstundis boðar politiið á facebook frá, at tað eru ring koyrilíkindi á landsvegunum, og tað er ikki koyrandi til fleiri bygdir, eitt nú Funning, Gjógv, Oyndarfjørð og Hellurnar.
- Koyrandi verður væntandi aftur í morgin sunnudagin eftir at tað er vorið ljóst, nærri boð um hettar. Í løtuni eru sera ring koyrilíkindir á Vestmannavegnum, har fleiri bilar standa fastir. Rátt verður frá at koyra óneyðuga ímillum bygdir.
Um tú veitst okkurt, sum VP ikki veit - skriva so til vp@vp.fo
