Beatles-vikan í SMS hevur fingið sera góða móttøku, og nógv fólk hava verið á konsertunum.

Nú er seinasti dagur, her høvi er at njóta ókeypis konsertir í SMS. Leygardagin kl. 12.00 byrjar við unga stjørnuskotinum, Leu Kampmann, sum fer at tulka Beatles á sín egna serstaka hátt saman við Vinjar Petersen, ið spælir tangentar.

Kl. 13.30 koma Stanley Samuelsen, guitar og sang, Jóhannus á Rógvi, bass og trummusnillingurin, Gert Smedegaard, og Kl. 14.30 hugleiðir Bergur Rasmussen um Beatlarnar.

BROYTING: Kl. 17.00 verður høvið hjá teimum, ið hava ognað sær atgongumerki til Beatles-dansin, at læra seg rock’n’roll-dans í Sjónleikarhúsinum - ikki í Dansifrøði, sum áður lýst - saman við Karl og Onnu-Sofíu Vidtfeldt. Tiltakið er ókeypis.

Dyrnar til stóra Beatlesbrakið lata upp kl 21.30, og Suni Merkistein verður frásøgumaður til dansin. Bólkarnir spæla umleið ein tíma í part.

Kl. 22.00 byrja The Bidils, síðan koma Robert og Jógvan við orkestri, Stanley Samuelsen, Thunderbirds og seinast Robert og Jógvan aftur og spæla, til dyrnar lata aftur.

Umframt hesar bólkarnar hava vit fingið ein “surprise”-bólk at spæla.

Enn eru nøkur fá atgongumerki eftir. Tey eru til keyps í Miklagarði og á Torginum, meðan konsertirnar eru.