Krutl
Tað er Hjaltur Poulsen, skipari, sum á facebookvanga sínum eftirlýsir upplýsingar um fiskin, sum teir hava fingið á línuna. Á vanganum eru eisini fleiri myndir at síggja.
Hjaltur upplýsir fyri VP, at teir royndarfiska á Føroyabanka, og at tá teir fingu fiskin vakti hann undran umborð. Fiskurin var í eini skøtu, teir fingu.
Á tráðnum verður gjørt vart við, at talan eftir øllum at døma er um ein sonevndan floyfisk. Á latíni er navnið Callionymus lyra.
Annars upplýsir Hjaltur, at tað er smáligt við fiskiskapinum hóast at nógv er at síggja á loddinum.
- Men hetta er heldur ikki besta fiskitíðin, sigur Hjaltur Poulsen við VP.
Um tú veitst okkurt, sum VP ikki veit - skriva so til vp@vp.fo
