Ein lesari hevur sent myndir av granulati í 9 sekkjum sum standa millum tveir bygningar í Miðvági.
- Ein sekkur var hálvfullur, ein annar var koppaður, umframt at hol og rivur vóru á tveimum øðrum, so teir mugu hava staðið har leingi, skrivar lesarin.
Víðari verður sagt í tekstinum saman við myndunum, at granulat fleyt á kajini framman fyri sekkirnar, so tað sigur seg sjálvt, at tað fer um alt økið við vindi og regni.
- Hvør eigur hesar sekkirnar, og hvør hevur ábyrgdina av at teir eru dumpaðir har í staðin fyri at vera burturbeindir? spyr lesarin, sum eisini hevur sent spurningin víðari til Vága kommunu og Umhvørvisstovuna.
Myndirnar eru tiknar 6. juli í ár.
Um tú veitst okkurt, sum VP ikki veit - skriva so til vp@vp.fo
