Lagt er upp til drúgvan tingfund í dag - trý mál koma til triðju viðger, eitt til aðru viðgerð og fýra til fyrstu viðgerð umframt at framløga eisini er á skránni.
Yvirtøka av farsóttarmálsøkinum verður endaliga avgreitt frá tinginum við triðju viðgerð í dag. Tá atkvøtt var við aðru viðgerð var málið einmælt samtykt.
Eisini atkvøður tingið um ætlaða familjuískoytið hjá landsstýrinum, tá uppskotið kemur til aðru viðgerð.
Formenninir í fólka- og sambandsflokkinum hava eitt uppskot um at hækka barnafrádráttin í landsskattinum fyri at geva barnafamiljum ein fíggjarligan lætta. Tað uppskotið kemur til fyrstu viðgerð.
Sí alla skránna her.
Tingfundurin byrjar klokkan 11.
Um tú veitst okkurt, sum VP ikki veit - skriva so til vp@vp.fo
