Í morgin verður strúkur í vindi ímillum sunnan og landsynning, samdrigið og ælaveður men kanska onkur sólglotti eisini, hitin um 8 stig.
Týsdagin verður kaldari, niður í trý stig, regn allan fyrrapartin, seinnapartin slítur í og tá sær sólin kanska onkra løtu. Sum frá líður upp í hvassan vind av útsynningi og vestri.
Mikudagin hvassur vindur av útsynningi allan dagin, ælaveður, hitin um 5-7 stig.
Hósdagin verður samregn og hann øtlar vindin upp í skrið ella storm av útsynningi, hitin millum 6 og 9 stig.
Fríggjadagin framvegis nógvur vindur men ættin verður sum frálíður útnyrðingur og norðan, regn ella ælaveður og hitin ímillum 4-6 stig.
Næsta vikuskifti verður ættin fyrst beinur norðan, uppí skrið, seinni minkar vindurin burtur í onki og fer niður í sunnan og landsynning. Hitin 6-7 stig báðar dagarnar.
Um tú veitst okkurt, sum VP ikki veit - skriva so til vp@vp.fo
