Hetta skal verða ein lítil viðmerking um brikslið frá landstýrismannin í fíggjarmálum, Jørgen Niclasen.
Fyrst Jørgen! Tit hava einki gjørt við grótkasti hjá tykkum sjálvum, sum fór í stóra briminum í 2020. Tað liggur, sum ein ruin.
Grótið í innsiglingini eiga tit eisini. Hetta stavar frá arbeiði hjá landinum, sum ongantíð er gjørt liðugt og gróti, sum landi skuldi taka upp í innsiglingini í 2020 er heldur ikki liðugt, hetta er til stóran ampa fyri øll sum skulu brúka innsiglingina, eisini strandfaraskipini.
Jørgen Niclasen, er tú virkuliga so frekkur, at tú heldur at Hasfjord ikki skal gjalda havnagjald í Skopunarhavn?
Meinar tú, at skopuningar skulu gjalda tað rokningina?
Ella Jørgen var Hasfjord olmussa til Sandoynna?
Hetta er langt úti!
Um tú er ein rættur maður, so eigur tú at krúpa berføddur aftur í útvarpsstovuna og biða bæði skopuningar og alla sandoyar sýslu um umbering!
Vinarliga
Gerhard Lognberg, borgarstjóri
Hetta er eitt lesarabræv. Meiningar og sjónarmið í lesarabrævinum eigur tann ið skrivað hevur. VP leggur nógv í talu- og skrivifrælsi. Tí eru allar meiningar vælkomnar, bara tær eru innanfyri karmarnar á revsilógini og fjølmiðlaetisku leiðreglunum. VP loyvir í ávísan mun dulnevndum lesarabrøvum, tá veit redaktiónin hvør hevur skrivað.
Um tú veitst okkurt, sum VP ikki veit - skriva so til vp@vp.fo
