Í kvøld verður kalt, turt og mestsum stilli. Men í morgin frískar hann aftur vindin av vestri ella útsynningi, skýggjað men turt fyri tað mesta og hitin um 7 stig.
Týsdagin skrið ella stormur av suðri ella útsynningi og lýtt, uppí 9 stig. Okkurt æli, serliga fyrrapartin.
Mikudagin fer hann upp í norðan ella útnyrðing, framvegis væl av vindi, upp í ein strúk ella skrið, tað verður kalt, niður í minus 2 stig og avfall gjøgnum allan dagin, kanska sum vátaslettingur ella kavi.
Hósdagin verður sum frá líður aftur líggjari, upp í 6 stig, ættin verður vestan og hann makar vindin nakað.
Fríggjadagin framvegis frískur vindur av vestri, turt fyri tað mesta og hitin um 7 stig.
Næsta vikuskifit verður aftur nógvur vindur - uppí storm sunnudagin, ættin verður millum vestan og sunnan og lýtt, upp í 8 stig.
Um tú veitst okkurt, sum VP ikki veit - skriva so til vp@vp.fo
