Sarah Mahfoud, sum gjørdist heimsmeistari í boksing leygarkvøldið, kemur til Føroyar í annaðkvøld.
Í hesum sambandi fer Vestmanna Kommuna at skipa fyri móttøku fyri Sarah. Móttøkan verður í ítróttarhøllini hóskvøldið 6. februar kl. 21.30, beint aftan á hálvfinaludystin millum VÍF og Kyndil.
Vestmenningar eru ikki sørt ernir av, at Sarh er vorðin heimsmeistari, og vilja fegin heilsa upp á hana.
Sarah Mahfoud er dóttir Vígdis Jákupsdóttir og Mohammed Mahfoud, og ommudóttir Mariu Nielsen (Maria hjá Olivari). Sarah búði í Vestmanna, til hon var 4 ár, tá ið familjan fluttu til Danmarkar.
Vestmanna Kommuna vónar at síggja nógv fólk til hátíðarløtuna.
Um tú veitst okkurt, sum VP ikki veit - skriva so til vp@vp.fo
