Fólkaflokkurin hevði havt nógv størstu framgongdina um val var í dag. Tað vísir ein nýggj veljarakanning, sum Spyr.fo hevur gjørt fyri Blaðið hjá Portalinum. Framgongdin hevði verið heili 10 prosentstig í mun til seinasta val, ella 2,3 prosentstig í mun til seinastu kanning sum varð gjørd í mai.
Sambandsflokkurin gongur eitt vet aftur í mun til seinastu veljarakanning, men tó 2,2 prosentstig fram í mun til valið. Saman høvdu teir báðir borgarligu flokkarnir havt meiriluta í Løgtinginum, um val var í dag.
Sambært kanningini høvdu teir báðir stóru flokkarnir í samgongu mist undirtøku, ímeðan Framsókn og Miðflokkurin høvdu gingið nakað fram.
Um tú veitst okkurt, sum VP ikki veit - skriva so til vp@vp.fo
