Stýrið fyri VEKS samtykti á stýrisfundi í Kvívík tann 16/5, at taka undir við einum uppskoti frá formanninum, Jógvan Kruse, um at skipa eitt eldraráð fyri VEKS.
Uppgávan hjá Eldraráðnum er at upplýsa, ráðgeva og tilmæla tiltøk, sum byggja upp samskiftið millum eldra borgaran og VEKS.
- Ætlanin er sostatt at hvør kommuna sær samtykkir nýggja leistin hjá Eldraráðnum, og at valið til Eldraráðið verður í heyst og kemur at fylgja kommunuvalskeiðinum.
- Vit hava í longri tíð arbeitt við at fáa skipað eitt Eldraráð í VEKS, og vóna at hettar er við til at styrkja og uppbyggja góða samstarvið vit hava í VEKS, sigur Jógvan Kruse, stýrisformaður.
Um tú veitst okkurt, sum VP ikki veit - skriva so til vp@vp.fo
