Í vikuni sum kemur verður nógvur vindur og kalt.
Onkran dagin verður tó stilt og vakurt veður.
Í morgin verður rættuliga lýtt eftir árstíðini, um eini 8 stig, strúkur í vindi av vestri og okkurt æli.
Týsdagin verður mestsum stilli og nakað kaldari, niður í fýra stig.
Mikudagin brestur hann á við nógvum vind, kulda og avfalli. Upp í skrið av landnyrðing, hitin 2-4 stig og regn ella vátaslettingur mestsum allan dagin.
Hósdagin verður hitin um frostmarkið, strúkur í vindi norðan men fríggjadagin kemur hann av landsynningi og suðri og tað verður lýggjari. Sum dagurin líður veksur hann vindin upp í skrið ella storm og seinnapartin samregn.
Bæði leygardagin og sunnudagin skrið ella stormur av útsynningi og vestri, tað regnar mestsum alla tíðina og hitin 4-7 stig.
Um tú veitst okkurt, sum VP ikki veit - skriva so til vp@vp.fo
