Vestmanna Sangkór: Nú Vestmanna Sangkór er um at vera klárt til at fara konsertferð til Tallinn í Estlandi á Hvítusunnu, fer kórið at halda eina várkonsert í Vestmanna Kirkju sunnudagin 14. mai 2023 kl. 18.
Við tað at kórið hevur 44 ár á baki, er eitt ættarliðs skiftið við at fara fram, og gleðist kórið almikið um eina góða tilgongd av nýggjum sangarum, sum eru komin aftrat.
Skráin til konsertina verður eitt fjølbroytt úrval av eldri og nýggjum føroyskum kórverkum - ein estlendskur eisini - sum kórið fer at framføra á konsertunum á ferðini.
Kórið bjóðar øllum at vera hjartaliga vælkomin í Vestmanna Kirkju til eina lætta vælljómandi konsert við føroyskum kórverkum.
Um tú veitst okkurt, sum VP ikki veit - skriva so til vp@vp.fo
