Tórshavnar kommuna: Depilin fyri Heilsu- og almannagransking hevur í vikuni hildið ph.d.-skeið í epidemiologi. Heitið á skeiðinum var "Basic principles of epidemiology", og 15 phd-lesandi umframt aðrir granskarar hava luttikið.
Undirvísarar á skeiðnum vóru Sjúrður Fróði Olsen, sum er yvirlækni á Statens Serum Institut og adjungeraður professari á Harvard School of Public Health og Marin Strøm, lektari í Heilsuvísindi á Fróðskaparsetrinum.
Skeiðið gav 3 ECTS point, og varð fyriskipað í samstarvi millum Landssjúkrahúsið og Fróðskaparsetrið. Hetta var tað fyrsta av slíkum skeiðum, ið Depilin fyri Heilsu- og Almannagransking heldur.
Yvirlækni, ph.d. og adjungeraður lektari á Fróðskaparsetrinum, Shahin Gaini, var stigtakari og ábyrgdari av skeiðnum.
Um tú veitst okkurt, sum VP ikki veit - skriva so til vp@vp.fo
