Troels Bech er tann venjarin, ið hevur metið við flest Superligadystum - Mynd: Bjarni Enghamar
Troels Bech er tann venjarin, ið hevur metið við flest Superligadystum - Mynd: Bjarni Enghamar
Troels Bech er tann venjarin, ið hevur metið við flest Superligadystum - Mynd: Bjarni Enghamar
FSF: Farna vikuskifti var ein av royndastu venjarunum í donskum fótbólti á vitjan í Føroyum. Talan er um 55 ára gamla Troels Bech, ið millum annað hevur staðið á odda fyri AC Horsens, Silkeborg IF, FC Midtjyllandi og OB.
Harafturat var Troels Bech eitt tíðarskeið ítróttarstjóri í Brøndby IF, og hann hevur eisini spælt á hægsta støði í bæði Danmark og Týsklandi.
– Eg haldi at vit fingu nógv burturúr. Hann (red. Troels Bech) dugdi væl at greiða frá gerandisdegnum hjá einum Superligavenjara, og venjingin, ið hann hevði á vøllinum var góð, sigur Jákup á Borg, ið var ein av luttakarunum á skeiðnum.
Skeiðið við Troels Bech var ætlað venjarum við UEFA A- og B-venjaraprógvi, og teimum, sum í august mánað fóru undir A-venjaraútbúgvingina.
Um tú veitst okkurt, sum VP ikki veit - skriva so til vp@vp.fo
