Harmaljóðini úr Bø vaksa dag um dag úr Bø, tí kirkjan í bygdini stendur pakkað inn í hvítum plastikki á tíggjunda ári. Inni er so tætt, at kirkjufólkið fær bara sungið stuttar sálmar, og tað er tungt hjá presti at prædika. Marjun í Kálvalíð, prestur, flutti tí gudstænastuna annan páskamorgun til Gásadals.
Tað hugaði ikki Kirkjuráðnum í bygdini, og tey heittu tí á prest um at skipa fyri útigudstænastu niðri við lendingina undir Pakkhúsinum, tá hon kemur aftur úr Gásadali.
Hesum játtaði prestur, so í góðveðrinum í dag klokkan 13 verður høvi at lurta eftir gudstænastuni niðri undir Pakkhúsinum og framvið lendingini.
Kirkjuráðið vónar at nógv fólk leitar sær til serligu útigudstænastuna har bússan gongur til frama fyri at skunda undir umvælingina av kirkjuni í Bø.
Anna Sofía Nordendal er deknur á landi, meðan Gunnar Nattestad ansar eftir trygd og syngur fyri á sjónum.
Í Bø 1. apríl
Bíggjar kirkjuráð
Um tú veitst okkurt, sum VP ikki veit - skriva so til vp@vp.fo
