Ítróttur
Badmintonsamband Føroya: Olympiska Nevndin á Malta skipar 8-11. november 2024 fyri Malta Invitational Games, har Føroyar eru bodnar við saman við 13 øðrum londum umframt vertstjóðina.
Kappingin er fyri íðkarar undir 18 ár. Fýra ymsar ítróttargreinar verða við á skránni: badminton, svimjing, taekwondo og vatnpolo.
Meira enn 200 íðkarar og hjálparfólk úr 15 tjóðum luttaka í Malta Invitational Games. Tjóðirnar eru Andorra, Albania, Kýpros, Føroyar, Grikkaland, Guernsey, Italia, Lettland, Libya, Litava, Luksemborg, Monako, San Marino, Slovenia og Malta.
Úr Føroyum fara 10 ungdómsleikarar saman við landsliðsvenjaranum Fai Yin Wong.
Um tú veitst okkurt, sum VP ikki veit - skriva so til vp@vp.fo
