Russland hevur nú viðgingið, at tað seinastu tíðina hevur verið ein avbjóðing at halda skansan í Kherson landslutinum, tí ukrainskir hermenn eru farnir um Dnipro ánna og hava sett fót á land í Kherson landslutin sum Russland annars hevur havt hersett síðani kríggið byrjaði.
Heldur ikki Ukraina hevur sagt nakað stórvegis um góðu gongdina, sæð úr teirra sjónarhorni, men fregnartænastur í øðrum londum hava leingi vitað tað.
Amerikanska tankasmiðjan Institute for the Study of Warfare (ISW) hevur í fleiri vikur sagt frá um gongdina. Hagani ljóðar, at tað sær út til at Ukraina sær út til at kunna halda fast við sína støðu.
Úr Russlandi hevur ljóðað, at mannfallið hjá ukrainum er stórt í Kherson - ímillum 1.000 og 2.000 mans skulu vera falnir í bardøgunum.
Um tú veitst okkurt, sum VP ikki veit - skriva so til vp@vp.fo
