Fyrrverandi amerikanski forsetin, og forsetavalevnið hjá republikanarunum til forsetavalið um ein mánaða, Donald Trump, segði á einum veljarafundi í Butler, Pannsylvania, í gjárkvøldið, at skúlaskipanirnar í Norðurlondum eru heimsins bestu.
- Vit brúka fleiri pengar fyri hvønn næming enn nakað annað land í heiminum. Har eru vit nummar eitt. Kortini eru vit nummar 38, 39 ella 40 hvørja einastu ferð. Tit hava Danmark, tit hava Noreg, tit hava Svøríki, tit hava Kina. Kina er altíð ímillum fimm tey bestu, tað er ótrúligt, segði Trumpurin millum annað, uttan tó at vísa til nakra ítøkiliga kanning.
Vinnur hann valið, so ætlar hann at statirnir sjálvir skulu stýra skúlaskipanini hjá sær, meira enn teir gera í dag.
Um tú veitst okkurt, sum VP ikki veit - skriva so til vp@vp.fo
