Politikkur
Tað fekk ilt í onkran danskan fólkatingslim, at grønlendska umboðið Aki-Matilda Høegh-Dam valdi at tosa á grølendskum av talarastólinum í Fólkatinginum tá orðaskifti var um ríkisfelagsskapin í gjár.
- Tað má tað vera pláss fyri, og tað er ein leivd frá kolonitíðini, at vit framvegis bert tosa danskt frá røðarapallinum. Vit mugu kunna rúma málini hjá hvørjum øðrum, segði hon millum annað, og noktaði at umseta til danskt, tá hon var biðin av formanninum.
Karsten Hønge úr SF kallaði tað eitt mediestunt sum grønlendski fólkatingslimurin gjørdi, og segði seg ikki vilja finna seg í tí.
Um tú veitst okkurt, sum VP ikki veit - skriva so til vp@vp.fo
