Landsstýrið stýrir uttan kumpass og kós. Einasta mál er Vaglið í Tórshavn.

Primera vinnan hjá bygdafrellinum skal bløða og skattast av bæði botn- mið- og topplinju og pengarnir skulu flytast til høvuðsstaðin. Tí onkur skal gjalda alsamt vaksandi og óeffektiva almenna bygnaðin.

Nøkur av bestu aliøkjunum í landinum eru í Norðoyggjum. M.a. í Hvannasundi. Hvønn dag seta fólk innan alivinnuna í hesum øki lívið í vága, tí alivinnan brúkar 40 ára gamlar smogur (summi kalla hetta tunnlar) ella almennar deyðsfellur.

Hetta er einasta flutningsleiðin ið almennu Føroyar kunnu bjóða spennandi og gevandi aliøkinum í Hvannasundi.

Hvannasunds kommuna hevur størri alivirksemi enn Tórshavnar Kommuna, hóast fólkatalið er minni enn 2% av Tórshavn. Hetta krevur eisini nógv av kommununi.

Nú hevur nýggja Havnasamgongan samtykt, at tøkugjaldið í alivinnuni skal hækkast og latast út til kommunurnar í mun til fólkatalið.

Føroya Landsstýri kann ikki bjóða Føroya besta aliøki eina farleið, sum uppfyllir grundleggjandi trygdarkrøv.

Men nú uppkrevur landsstýrið lendisleigu í Hvannasundi og leigugjaldið skal latast Heðini Mortensen.

Hvat verður tað næsta?