Synergi: Ársins leiðari er tignarligasti heiðurin, ein leiðari í Føroyum kann fáa. Júst hvør fer avstað við heiðrinum í 2020, verður avdúkað kl. 16.15 á Leiðaradegnum, sum verður uppi á Hotel Føroyum fríggjadagin 31. januar 2020.

TOPP 3 kandidatar til Ársins leiðarar 2020 valdir

Dómsnevndin, sum tekur endaliga avgerð um, hvørji gerast Ársins leiðarar 2020, hevur nú funnið fram til 3 sterk topp-kandidatar. Í dómsnevndini 2020 sita Guðrið Højgaard, stjóri Visit Faroe Islands, Søren Bruun, stjóri í Suðuroyar Sparikassa og Malan Johansen, stjóri í Landsbanka Føroya.

TOPP 3 í stavrað >>

Topp 3 kandidatar innan tað almenna

• Gudmundur Joensen, Ítróttaháskúlin í Suðuroy
• Jógvan Fríðriksson, Føroya Biskupur
• Johanna á Tjaldrafløtti, Húsarhaldsskúli Føroya

Topp 3 kandidatar innan tað privata

• Árni Jakobsen, SMJ
• Fróði Clementsen, Teldutænastan
• Sunneva Háberg Eysturstein, Sirkus

Fríggjadagin 31. januar 2020 verður avdúkingin
Stóra leiðsluráðstevnan, har leiðarar ur øllum landinum hittast, verður á Hotel Føroyum fríggjadagin 31. januar. Høvuðsrøðari á degnum verður Christian Ørsted, kendur m.a. frá síni metsølubók “Livsfarlig Ledelse”. Hann arbeiðir nú uppá eina nýggja bók, ið viðger myturnar um broytingar á arbeiðsplássum, sum trívast millum leiðarar og okkum øll. Hetta fert tú at hoyra um á Leiðaradegnum 2020.

Stóra tema á degnum er “Fólk dáma ikki broytingar | Sannleiki ella myta?”.

Røðarir á skránni:

• Hedvig Johansdóttir | Ársins almenni leiðari 2019
  Leiðaradagurin 2020 verður settur
• Christian Ørsted | Leiðsluráðgevi og rithøvundur
  Fólk dáma ikki broytingar – Sannleiki ella myta?
• Steinbjørn Hardlei | Rektari á Glasi
  Ástøðiligur brellbiti um broytingarleiðslu
• Turið F. Arge | Rakstrarstjóri í BankNordik
  Tað er ikki líka mikið, hvussu tú fremur broytingar
• Rune Green | Dramaturg & Humorist
  Hvussu brúka vit humor tá alt broytist?
• Ársins Leiðarar 2020 verða kosnir

Áhugin fyri degnum er stórur.

Fá pláss eru tó eftir til Tapas hjá Katrinu, sum er endabresturin um kvøldið.

Les alt um Leiðaradagin 2020 her >>