Russiska sjónvarpsrásin TNT er farin undir upptøkur til skemtirøð um ongan annan enn Joe Biden. Tað skrivar rásin á Telegram sambært TV 2.
Røðin, sum eitur 'Goodbye', snýr seg um, at amerikanski forsetan fer til Russlands fyri at vita, hví hansara revsitiltøk móti landinum ikki virka.
Á vitjanini missir Biden passið og er fangaður í Russlandi, har hann skal arbeiða sum ensktlærari so hann kann keypa nýtt pass og sleppa heim aftur til USA.
Men CIA heldur Joe Biden vera russiska pensjónistin Ivanovich, sum í staðin fyri forsetan verður fylgdur aftur til USA.
Skemtifilmurin verður frumsýndur í 2025, sama ár sum forsetatíðin hjá Biden endar.
Um tú veitst okkurt, sum VP ikki veit - skriva so til vp@vp.fo
