![Tennishus](https://www.vp.fo/fileadmin/_processed_/5/f/csm_tennishus_2cd5f48782.jpg)
![Tennishusid](https://www.vp.fo/fileadmin/_processed_/b/4/csm_tennishusid_a3f9e6f8cc.jpg)
![Tennishus](https://www.vp.fo/fileadmin/_processed_/5/f/csm_tennishus_2cd5f48782.jpg)
![Tennishusid](https://www.vp.fo/fileadmin/_processed_/b/4/csm_tennishusid_a3f9e6f8cc.jpg)
Í sambandi við at tennishúsið í Gundadali nú er liðugt og verður alment tikið í nýtslu, verður móttøka fyri øllum áhugaðum fríggjadagin 17. november kl. 15:00.
Heðin Mortensen, borgarstjóri, fer at flyta fram røðu og Rúna Seyer Eliassen, forkvinna í Havnar Tennisfelag, fer eisini at siga nøkur orð um menningina av felagnum, sum nú hevur fingið munandi betri umstøður.
Felagið bjóðar kaffi og okkurt søtt afturvið.
Tað var í 2019 at Havnar Tennisfelag og Tórshavnar kommuna gjørdi samstarvsavtalu, ið hevði til endamáls at betra um umstøðurnar hjá tennisíðkandi í Havn.
Í 2019 varð nýtt undirlag úr graslíki lagt á vallirnar. Ljósmastrar komu upp í 2021 og nú í ár er felagshúsið liðugt. Umstøðurnar eru hervið betraðar munandi og limatalið er eisini fleirfaldað seinastu árini og er nú áleið 200.
Um tú veitst okkurt, sum VP ikki veit - skriva so til vp@vp.fo