Skrivligur fyrispurningur eftir § 52a í Tingskipanini
Spyrjari: Árni Skaale, løgtingsmaður
Svarari: Margit Stórá, landsstýriskvinna í heilsumálum
Evni: Skanning av prostata-sjúklingum
Spurningar:
- Hvussu nógv kostar tað at senda 28 sjúklilngar til Danmarkar til skanningar fyri prostata.
- Hvussu nógv hevi tað kosta at gjørt hesar skanningarnar í Føroyum.
- Eru fyrireikingarnar, í samband við at ein skannari er settur upp á klaksvíkar sjúkrahúsið, gjørdar á nøktandi hátt.
- Hvør er orsøkin til at hesir 28 sjúklingarnir ikki kunnu skannast í Føroyum.
Viðmerkingar:
Seinastu dagarnar hevur ein søga um 28 sjúklingar, sum ikki sleppa til skanningar í Føroyum, veri at síggja í miðlunum.
Tað er við stórari undran at unduritaði hevur fylgt við í hesari miðla-søguni.
Mótstríðandi røddir hava verið frammi um hetta málið, so fyri at fáa ítøkiligar upplýsingar, verða hesir spurningarnir settir.
Á Løgtingi, 6. Juni 2024
Árni Skaale
Um tú veitst okkurt, sum VP ikki veit - skriva so til vp@vp.fo
