Eingin fótbóltur við Stórá. Dysturin í landskappingini millum TB og EB/Streym, sum skuldi verða á Jóansøku, er fyribils útsettur - Mynd: Hans Erik Danielsen
Eingin fótbóltur við Stórá. Dysturin í landskappingini millum TB og EB/Streym, sum skuldi verða á Jóansøku, er fyribils útsettur - Mynd: Hans Erik Danielsen
Eingin fótbóltur við Stórá. Dysturin í landskappingini millum TB og EB/Streym, sum skuldi verða á Jóansøku, er fyribils útsettur - Mynd: Hans Erik Danielsen
FSF: Eftir ætlan skuldi stevnudystur millum TB og EB/Streym í Betri Deildini hjá monnum verða við Stórá í Trongisvági leygardagin klokkan 18:30, har Jóansøka er hetta vikuskiftið.
Men seint seinnapartin leygardagin komu boð frá Strandfaraskipum Landssins, har sagt varð frá, at ferðaætlanin hjá Smyrli var broytt.
Túrurin av Tvøroyri klokkan 21:30 bleiv framskundaður til klokkan 18:30, og av tí at talan er um seinasta dyst áðrenn summarsteðgin, og at fleiri av spælarunum hjá EB/Streymi skulu av landinum tíðliga sunnumorgunin, bleiv avgjørt at útseta dystin.
Kappingarnevndin hjá Fótbóltssambandi Føroya fer skjótast tilber at áseta nýggjan leikdag.
Fríggjadagin vórðu annars tveir dystir í Betri Deildini hjá monnum á skránni. Í Fuglafirði vann Víkingur 2-1 á ÍF, og í Gundadali gjørdist úrslitið málleysur javnleikur millum B36 og KÍ. Leygardagin høvdu vágamenn vitjan av NSÍ. Runavíkingar fóru úr Dungasandi við einum 4-2 sigri í viðførinum.
Fimti dysturin í hesum umfarinum verður á Svangaskarði á Toftum týsdagin 29. juni klokkan 18:00, har B68 tekur ímóti HB.
Leygardagin var eisini fult umfar í fremstu deildini hjá kvinnum. KÍ vann 5-1 á útivølli móti 07 Vestur, og á Sandi vann B36 3-1 á AB/B71. Dystirnir millum EBS/Skála og NSÍ, og HB og Víking, endaðu báðir við javnleiki 1-1.
Um tú veitst okkurt, sum VP ikki veit - skriva so til vp@vp.fo
