Visit Runavík: Í dag er seinasta freist at tekna seg til serligu svimjingina um Skálafjørðin, sum Flot skipar fyri leygardagin.

Øll, sum duga væl at svimja og eru eldri enn trettan ár, eru vælkomin at svimja við.

Lopið verður útí á Skála, og skjóttgangandi bátar fylgja við svimjarunum yvir á Skipanes, inn í bátahylin Undir Gøtueiði. Talan er um ein tein, sum er millum 1,2 og 1,3 kilometrar langur.

Áðrenn svimjararnir loypa á bláman, kunnu teir skifta á Skála, og klokkan 1045 verða luttakararnir koyrdir oman á startin. Bussur koyrir síðani klæðini í neystið hjá kappróðrarfelagnum Niðri á Støð á Glyvrum, har til ber at lata seg í aftur.

Niðri á Støð á Glyvrum verður súpan at fáa, og har verður eisini ferðasteypið handað vinnaranum.

Skjóttgangandi bátar hjá bjargingarfelagnum tryggja, at svimjararnir koma trygt fram.

Umframt aldursmarkið á trettan ár, er eisini neyðugt at hava vátdrakt at svimja í.

Les meira um luttøkukrøv og tilmelding á visitrunavik.fo ella á facebook mentanarvika í runavíkar kommunu.

Tað er ókeypis at luttaka og seinasta freist at melda til er í dag, Flaggdagin, á telefon 228 537 ella á flotsvimjifelagid(at)gmail.com.

Viðmerk navn og telefonnummar, umframt navn og telefonnummar hjá einum avvarðandi umframt møguligur fylgibátur.