Suðuroyar Sparikassi: Sum væntað avgjørdi evropeiski miðbankin (ECB) 8. september aftur at hækka rentuna - hesa ferð við 0,75%-stigum.
Danski tjóðbankin hevur boðað frá somu rentuhækking, og tað hevur við sær, at Suðuroyar Sparikassi aftur fer at hækka bæði út- og innlánsrentur.
Í samband við nýggju rentuhækkingina verður negativa innlánsrentan avtikin í Suðuroyar Sparikassa.
Samstundis verður latið upp fyri at kundar aftur kunnu stovna 3, 12 og 18 mánaðar samansparingarkontur.
Her hækka renturnar við upp til 0,40 %-stigum.
Fyri privatkundar fara innlánsrentur at hækka við upp til 0,75%-stigum p.a., meðan útlánsrentur fara at hækka við upp til 0,45%-stigum p.a.
Fyri vinnukundar fara innlánsrentur at hækka við upp til 0,40%-stigum p.a., meðan útlánsrentur fara at hækka við upp til 0,45%-stigum p.a.
Rentubroytingin fær gildi 20. oktober 2022
Um tú veitst okkurt, sum VP ikki veit - skriva so til vp@vp.fo
