![Nordisk spraakdeklaration 2 maj 2024 foto ninni andersson](https://www.vp.fo/fileadmin/_processed_/6/1/csm_nordisk-spraakdeklaration-2-maj-2024_foto-ninni-andersson_b1dfede7b6.jpg)
![Undirskriving](https://www.vp.fo/fileadmin/_processed_/0/5/csm_undirskriving_c100a56f14.jpg)
![Nordisk spraakdeklaration 2 maj 2024 foto ninni andersson](https://www.vp.fo/fileadmin/_processed_/6/1/csm_nordisk-spraakdeklaration-2-maj-2024_foto-ninni-andersson_b1dfede7b6.jpg)
![Undirskriving](https://www.vp.fo/fileadmin/_processed_/0/5/csm_undirskriving_c100a56f14.jpg)
Barna- og Útbúgvingarmálaráðið: Á norðurlendskum ráðharrafundi í Stockkhólmi 2. mai skrivaði Djóni Nolsøe Joensen, landsstýrismaður, saman við ráðharrum innan útbúgving og mentan úr øllum Norðurlondum, undir nýggja kunngerð um norðurlendskan málpolitikk.
Fyrsta norðurlendska málkunngerðin varð samtykt í 2006. Málkunngerðin er nú vorðin dagførd og vendir sær millum annað til avbjóðingarnar, sum eru innan talgildan og alheimsgerð.
Nýggja kunngerðin leggur dent á týdningin, sum øll tey norðurlendsku málini hava: Svenskt, danskt, norskt, finskt, íslendskt, samiskt, grønlendskt og føroyskt.
Harafturat verða teknmálini viðurkend, umframt móðurmálini hjá tilflytarum og fleiri minnilutamál, sum í nógv ár hava verið tosað í Norðurlondum.
Dagførda kunngerðin vísir á týdningin, sum málini hava í einum breiðari samfelagsligum høpi, til tess at fremja fólkaræði og mentanarliga fatan.
Um tú veitst okkurt, sum VP ikki veit - skriva so til vp@vp.fo